22 ରେ ଦେଶବ୍ୟାପୀ ED ଅଫିସ୍‌ ଘେରିବ କଂଗ୍ରେସ, ରାଜ୍ୟରେ ଆନ୍ଦୋଳନର ନେତୃତ୍ବ ନେବେ ମୋକିମ - Congress to protest against ED

Congress to protest against ED: 22 ତାରିଖରେ ଦେଶବ୍ୟାପୀ ED ଅଫିସ୍‌ ଘେରିବ କଂଗ୍ରେସ । ଭୁବନେଶ୍ବର ‘ଇଡି’ କାର୍ଯ୍ୟାଳୟ ଘେରିବା ପାଇଁ ପ୍ରଦେଶ କଂଗ୍ରେସ ମଧ୍ୟ ପ୍ରସ୍ତୁତ । ବିଭିନ୍ନ ସ୍ଥାନରୁ ଆସିବେ ପ୍ରାୟ 30 ହଜାର ଦଳୀୟ କର୍ମୀ । ଆନ୍ଦୋଳନର ନେତୃତ୍ବ ନେବେ ବରିଷ୍ଠ ନେତା ମହମ୍ମଦ ମୋକିମ । ଅଧିକ ପଢନ୍ତୁ

ଭୁବନେଶ୍ବର:ପ୍ରବର୍ତ୍ତନ ନିର୍ଦ୍ଦେଶାଳୟ ‘ଇଡି’ ଓ ‘ସିବିଆଇ’ ପରି କେନ୍ଦ୍ରୀୟ ତଦନ୍ତକାରୀ ସଂସ୍ଥାକୁ ରାଜନୈତିକ ଉଦ୍ଦେଶ୍ୟରେ ବ୍ୟବହାର କରୁଛି କେନ୍ଦ୍ରର ବିଜେପି ସରକାର । ଏହି ଅଭିଯୋଗ ସହ କଂଗ୍ରେସ ସାରା ଦେଶରେ 22 ତାରିଖରେ ଇଡି କାର୍ଯ୍ୟାଳୟ ଘେରାଉ ଡାକରା ଦେଇଛି । ଓଡିଶା କଂଗ୍ରେସ ମଧ୍ୟ ଭୁବନେଶ୍ବର ସ୍ଥିତ ‘ଇଡି’ କାର୍ଯ୍ୟାଳୟ ଘେରିବ । ଏଥିପାଇଁ କାଲି କଂଗ୍ରେସ ଭବନରେ ଆୟୋଜିତ ବୈଠକରେ କାର୍ଯ୍ୟଖସଡା ପ୍ରସ୍ତୁତ କରାଯାଇଛି ।

• ପ୍ରେସମିଟରେ ଘୋଷଣା କଲା କଂଗ୍ରେସ:-

ଗତକାଲି (ରବିବାର) କଂଗ୍ରେସ ଭବନରେ ଆୟୋଜିତ ଆଜି ଏକ ସାମ୍ବାଦିକ ସମିଳନୀରେ ଦଳର ଅନ୍ୟତମ ବରିଷ୍ଠ ନେତା ମହମ୍ମଦ ମୋକିମ କହିଛନ୍ତି,‘‘ରାହୁଲ ଗାନ୍ଧୀଙ୍କ ନିର୍ଦ୍ଦେଶ କ୍ରମେ 22 ତାରିଖରେ ସାରା ଭାରତରେ ସମସ୍ତ ‘ଇଡି’ ଅଫିସ ଘେରାଉ କରାଯିବ । ଓଡ଼ିଶାରେ ମଧ୍ୟ୍ୟ କଂଗ୍ରେସ ‘ଇଡି’ ଅଫିସ ସମୁଖରେ ବିରୋଧ ପଦର୍ଶନ କରିବ । ପୂର୍ବାହ୍ନ 11ଟାରୁ ଏହି ଆନ୍ଦୋଳନ ଆରମ୍ଭ ହେବ । ଦେଶରେ କେନ୍ଦ୍ର ସରକାର ଯେଉଁଭଳି ଭାବରେ Ed ଏବଂ CBI ବ୍ୟବହାର କରୁଛି, ତାହା ଅନୁଚିତ । ଏହାକୁ ବିରୋଧ କରି ଆମେ ED ଅଫିସ ସମୁଖରେ ବିକ୍ଷୋଭ କରିବୁ । ଓଡ଼ିଶାରେ ବିଜେପି ସରକାର ଚାଲିଛି । କିନ୍ତୁ ସରକାର ଯେଉଁଭଳି ଚାଲିବା କଥା ତାହା ଚାଲୁନାହିଁ । ବିଜେଡି ମଧ୍ୟ୍ୟ ବିରୋଧୀ ଦଳ ଭୂମିକା ଠିକ୍‌ ଭାବରେ ନେଇପାରୁନାହିଁ । ରାଜ୍ୟବାସୀଙ୍କ ହିତ ପାଇଁ ସର୍ବଦା କଂଗ୍ରେସ ଦଳ ଲଢେଇ ଜାରି ରଖିବ ।"

• ପ୍ରତିବାଦର ନେତୃତ୍ବ ନେବେ ମୋକିମ:-

କରେ ଠାବ ହେଲା ସିମ୍ ବକ୍ସ, ପୋଲିସର ଛାନଭିନ୍ ଜାରି - Cuttack SIM BOX RACKET
ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ଉପରେ ପ୍ରବର୍ତ୍ତନ ନିର୍ଦ୍ଦେଶାଳୟର ମନମୁଖୀ ବ୍ୟବହାର ,ରାହୁଲଙ୍କୁ ବିଭିନ୍ନ ଉପାୟରେ ହଇରାଣ ହରକତ କରାଯାଉଥିବା ଦଳ ଅଭିଯୋଗ କରିଆସିଛି । ଗତକାଲି ଏହି ସମ୍ପର୍କରେ ଏକ ଗୁରୁତ୍ବପୂର୍ଣ୍ଣ ବୈଠକ ରାଜ୍ୟ କାର୍ଯ୍ୟାଳୟରେ ବସିଥିଲା । ଏଥିରେ ମହମ୍ମଦ ମୋକିମଙ୍କ ନେତୃତ୍ବରେ ଆକ୍ସନପ୍ଲାନ ପ୍ରସ୍ତୁତ କରାଯାଇଛି । ଏହି ଘେରାଓ କାର୍ଯ୍ୟକ୍ରମର ସଂଯୋଜକ ଦାୟିତ୍ବ ଗ୍ରହଣ କରିଛନ୍ତି ମୋକିମ । ସାରା ରାଜ୍ୟରୁ ପ୍ରାୟ 30 ହଜାରରୁ ଅଧିକ କଂଗ୍ରେସ କର୍ମୀ ଓ ନେତା ଭୁବନେଶ୍ୱର ଆସିବେ । ସିଆରପି ଛକଠାରୁ ED କାର୍ଯ୍ୟାଳୟ ପର୍ଯ୍ୟନ୍ତ ଏକ ବିଶାଳ ପ୍ରତିବାଦ ରାଲି ଆୟୋଜନ କରାଯିବ ।

ଇଟିଭି ଭାରତ, ଭୁବନେଶ୍ବର