ବୌଦ୍ଧ: ପାରମ୍ପରିକ ଲୋକକଳା ଓ ଲୋକନୃତ୍ୟରେ ଦୁଲୁକୁଛି ବୌଦ୍ଧ । ଉଦଘାଟିତ ହେଲା ଅସୁରଗଡ ଲୋକ ମହୋତ୍ସବ । 5 ଦିନ ଧରି ଅନୁଷ୍ଠିତ ଏହି ମହୋତ୍ସବରେ ମିନାବଜାର ମଧ୍ୟ ପଡିଛି । ବିଭିନ୍ନ ହାତ ତିଆରି ସାମଗ୍ରୀ ତଥା ଚଟପଟା ଖାଦ୍ୟ ପାଇଁ ଲୋକଙ୍କ ମଧ୍ୟରେ ପ୍ରବଳ ଉତ୍ସାହ ପରିଲକ୍ଷିତ ହୋଇଥିଲା।
ଅସୁରଗଡ ଲୋକ ମହୋତ୍ସବ:
ପ୍ରାଚୀନ ନୌବାଣିଜ୍ୟର ପେଣ୍ଠସ୍ଥଳ ମନମୁଣ୍ଡାଠାରେ ଉଦଘାଟିତ ହୋଇଛି ଅସୁରଗଡ ଲୋକ ମହୋତ୍ସବ । ପାରମ୍ପରିକ ଲୋକ ବାଦ୍ୟ ଓ ଲୋକନୃତ୍ୟ ମଧ୍ୟରେ ଉଦଘାଟିତ ହେଲା ଏହି ମହୋତ୍ସବ । ଦୁଇଟି ନଦୀର ସଙ୍ଗମ ସ୍ଥଳରେ ଅବସ୍ଥିତ ଏକ ଐତିହାସିକ ଅଞ୍ଚଳର ଲୋକକଳା ତଥା ଲୋକ ସଂସ୍କୃତିର ପୁନଃରୁଦ୍ଧାର ପାଇଁ ଆୟୋଜିତ ହେଉଛି ଏହି ଅସୁରଗଡ ଲୋକ ମହୋତ୍ସବ । 5 ଦିନ ଧରି ଅନୁଷ୍ଠିତ ଏହି ମହୋତ୍ସବ ସହିତ ମୀନାବଜାର ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛି । ବୌଦ୍ଧ ଜିଲ୍ଲାର ମହାନଦୀ ଓ ତେଲ ନଦୀର ସଙ୍ଗମ ସ୍ଥଳରେ ଅବସ୍ଥିତ ମନମୁଣ୍ଡା ଜିଲ୍ଲାର ଅନ୍ୟତମ ଐତିହାସିକ ସ୍ଥାନ । ଏଠାରେ ଅସୁରଗଡ଼ ସଭ୍ୟତାର ପ୍ରାଚୀନ କୀର୍ତ୍ତିରାଜି ଆଜି ମଧ୍ୟ ଦେଖିବାକୁ ମିଳିଥାଏ। ଗୋସିଂହଦତ୍ୟର ରାଜଧାନୀ ଅସୁରଗଡର ଧ୍ୱଂସବଶେଷ ଆଜି ମଧ୍ୟ ଦେଖିବାକୁ ମିଳିଥାଏ ।
| ଏହା ବି ପଢନ୍ତୁ...ପ୍ରସିଦ୍ଧ ସୁଲିଆ ପୀଠରେ ଆରମ୍ଭ ହେଲା ଆଦିବାସୀ ମହୋତ୍ସବ |