ହାଇଦ୍ରାବାଦ:ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନଙ୍କ ଫିଲ୍ମ 'ଚନ୍ଦୁ ଚାମ୍ପିଅନ' ସହ ଖୁବଶୀଘ୍ର ପରଦାରେ ଧମାକା କରିବାକୁ ଯାଉଛନ୍ତି । ଏହି ଅଭିନେତା ଗତ ବର୍ଷ ଠାରୁ ଫିଲ୍ମ ପାଇଁ ପ୍ରସ୍ତୁତି ଚଳାଇଛନ୍ତି । 'ଚନ୍ଦୁ ଚାମ୍ପିଅନ୍' କାର୍ତ୍ତିକ ଆର୍ଯ୍ୟଙ୍କ କ୍ୟାରିୟରରେ ଏକ ବିଶେଷ ଚଳଚ୍ଚିତ୍ର ହେବାକୁ ଯାଉଛି, କାରଣ ଏହି ଚଳଚ୍ଚିତ୍ର ପାଇଁ ସେ ଜିମରେ କଠିନ ପରିଶ୍ରମ କରିଛନ୍ତି । ପ୍ରଥମ ଥର ପାଇଁ ଅଭିନେତା ଏକ ଫିଲ୍ମ ପାଇଁ ଲୁକ୍କୁ ସମ୍ପୂର୍ଣ୍ଣ ରୂପେ ବଦଳାଇ ଦେଇଛନ୍ତି । ଆଜି ନିର୍ମାତା ଫିଲ୍ମର ଲୁକ ପୋଷ୍ଟର ସେୟାର କରିଥିବା ବେଳେ ଏଥିରେ କାର୍ତ୍ତିକଙ୍କ ବଡ଼ି ଟ୍ରାନ୍ସଫର୍ମେସନର ଝଲକ ଦେଖିବାକୁ ମିଳିଛି । ଯାହାକୁ ଦେଖି ଫ୍ୟାନ୍ସ ଫିଦା ହୋଇଛନ୍ତି ।
'ଚନ୍ଦୁ ଚାମ୍ପିଅନ'ରୁ ମୁକ୍ତିଲାଭ କରିଥିବା ପୋଷ୍ଟରରେ କାର୍ତ୍ତିକ ଆର୍ଯ୍ୟନଙ୍କ ବଡ଼ି ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ଏହି ଚଳଚ୍ଚିତ୍ର ପାଇଁ ଅଭିନେତା କଠିନ ପରିଶ୍ରମ କରିଛନ୍ତି, ଯାହା ତାଙ୍କର ପ୍ରଥମ ଲୁକରୁ ସ୍ପଷ୍ଟ ଦେଖାଯାଉଛି । ଏହି ପୋଷ୍ଟରରେ କାର୍ତ୍ତିକ ଆର୍ଯ୍ୟନ ଦ୍ରୁତ ଗତିରେ ଦୌଡୁଥିବାର ନଜର ଆସିଛନ୍ତି । 6 ପ୍ୟାକ ବଡ଼ି ସହ ଆଥଲେଟ୍ ଲୁକରେ ନଜର ଆସିଛନ୍ତି ଅଭିନେତା । ଏହି ଫଟୋ ସେ ନିଜ ଇନଷ୍ଟାଗ୍ରାମରେ ସେୟାର କରି ଲେଖିଛନ୍ତି, ''ଚନ୍ଦୁ ଚାମ୍ପିଅନ' ଆସୁଛି । ଫିଲ୍ମରୁ ଏହି ପୋଷ୍ଟର ସେୟାର କରି ମୁଁ ବହୁତ ଗର୍ବିତ ଏବଂ ଏହି ଫିଲ୍ମ ମୋ କ୍ୟାରିଅରର ସବୁଠାରୁ ବଡ଼ ଓ ଚ୍ୟାଲେଞ୍ଜିଂ ଫିଲ୍ମ ଅଟେ । ଫିଲ୍ମକୁ ନେଇ ମୁଁ ବହୁତ ଉତ୍ସାହିତ ।''
'ଚନ୍ଦୁ ଚାମ୍ପିଅନ' କେବେ ରିଲିଜ ହେବ ?