ହାଇଦ୍ରାବାଦ:ବକ୍ସ ଅଫିସରେ 'ଭୁଲ ଭୁଲେୟା 3' ଏବଂ 'ସିଙ୍ଘମ ଏଗେନ' ରିଲିଜ୍ ହେବାର ଏକ ସପ୍ତାହ ବିତିଗଲାଣି । ନଭେମ୍ବର 1ରେ ମୁକ୍ତିଲାଭ କରିଥିବା ଉଭୟ ଚଳଚ୍ଚିତ୍ର ଦୀପାବଳି ଛୁଟିରେ ବମ୍ପର ଲାଭ ପାଇଛି । ଉଭୟ ଚଳଚ୍ଚିତ୍ର ବକ୍ସ ଅଫିସରେ ଭଲ ପ୍ରଦର୍ଶନ ମଧ୍ୟ କରୁଛି । ଯଦିଓ ଉଭୟ ଚଳଚ୍ଚିତ୍ର ପ୍ରଥମ ସପ୍ତାହରେ 200 କୋଟି ଟଙ୍କା ଆୟ କରିପାରିନାହାନ୍ତି, କିନ୍ତୁ ଏହାର ନିକଟତର ହେବାରେ ସଫଳ ହୋଇଛନ୍ତି । ତେବେ ଉଭୟ ଫିଲ୍ମ କିଏ କେତେ କଲେକ୍ସନ କରିଛି, ଜାଣନ୍ତୁ ?
'ଭୁଲ ଭୁଲେୟା 3' ଏବଂ 'ସିଙ୍ଘମ ଏଗେନ' ବକ୍ସ ଅଫିସ କଲେକ୍ସନ
କାର୍ତ୍ତିକ ଆର୍ଯ୍ୟନଙ୍କ ହରରର କମେଡି ଫିଲ୍ମ 'ଭୁଲ ଭୁଲେୟା 3' ପ୍ରଥମ ସପ୍ତାହର ଶେଷ ଦିନରେ ଅଜୟ ଦେବଗନଙ୍କ ଫିଲ୍ମ 'ସିଙ୍ଘମ୍ ଏଗେନ'କୁ ପଛରେ ପକାଇଛି । 'ଭୁଲ ଭୁଲେୟା 3' କେବଳ ଷଷ୍ଠ ଦିନରେ ନୁହେଁ ସପ୍ତମ ଦିନରେ ମଧ୍ୟ 'ସିଙ୍ଘମ ଏଗେନ' ପଛରେ ପକାଇଛି । 'ଭୁଲ ଭୁଲେୟା 3' ପ୍ରଥମ ସପ୍ତାହର ଶେଷ ଦିନରେ 9.50 କୋଟି ଟଙ୍କା ବ୍ୟବସାୟ କରିଥିଲା । ଅଜୟ ଦେବଗନଙ୍କ ଫିଲ୍ମ ମାତ୍ର 8.75 କୋଟି ଟଙ୍କା ରୋଜଗାର କରିଛି । ଷଷ୍ଠ ଦିନରେ 'ଭୁଲ ଭୁଲେୟା 3' 10.50 କୋଟି ଟଙ୍କା ଆୟ କରିଥିବାବେଳେ ରୋହିତ ଶେଟ୍ଟୀଙ୍କ କପ ୟୁନିଭର୍ସ ଫିଲ୍ମ 10.25 କୋଟି ଟଙ୍କା ବ୍ୟବସାୟ କରିଥିଲା । ତେବେ 'ସିଙ୍ଘମ ଏଗେନ' ର ମୋଟ ସାପ୍ତାହିକ କଲେକ୍ସନ 173 କୋଟି ଏବଂ 'ଭୁଲ ଭୁଲେୟା 3' ର ମୋଟ କଲେକ୍ସନ 158.25 କୋଟି ଅଟେ ।
ଖୁବଶୀଘ୍ର 200 କୋଟି କ୍ଲବରେ ମାରିବେ ଏଣ୍ଟ୍ରି
'ଭୁଲ ଭୁଲେୟା 3' ଏବଂ 'ସିଙ୍ଘମ ଏଗେନ' ୧ ନଭେମ୍ବରରେ ମୁକ୍ତିଲାଭ କରିଥିଲା । ରିଲିଜ ଦିନରେ ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ଚଳଚ୍ଚିତ୍ର କାର୍ତ୍ତିକ ଆର୍ଯ୍ୟନଙ୍କ ଫିଲ୍ମଠାରୁ ଆଗରେ ରହିଥିଲା ।'ସିଙ୍ଘମ ଏଗେନ'ପ୍ରଥମ ଦିନରେ 43.5 କୋଟି ଟଙ୍କା ସଂଗ୍ରହ କରିଥିବାବେଳେ 'ଭୁଲ ଭୁଲେୟା 3' 36.6 କୋଟି ଟଙ୍କା ଆୟ କରିଥିଲା । ଉଭୟ ଚଳଚ୍ଚିତ୍ର ଦର୍ଶକଙ୍କୁ ଆକର୍ଷିତ କରିବାରେ ସଫଳ ହୋଇଥିଲା ଏବଂ ପ୍ରଥମ ସପ୍ତାହ ଶେଷରେ 100 କୋଟି ଟଙ୍କାର ପାର୍ କରିଥିଲା । ଅନୁମାନ କରାଯାଉଛି ଯେ 'ଭୁଲ ଭୁଲେୟା 3'ଏବଂ 'ସିଙ୍ଘମ ଏଗେନ' ଦ୍ୱିତୀୟ ସପ୍ତାହ ଶେଷ ସୁଦ୍ଧା 200 କୋଟି ଟଙ୍କା ପାର୍ କରିବ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ:ବକ୍ସ ଅଫିସ କଲେକ୍ସନ; 150 କୋଟି ପାର୍ କଲା 'ସିଙ୍ଘମ ଏଗେନ', 'ଭୁଲ ଭୁଲେୟା 3'କୁ ପକାଇଲା ପଛରେ
'ସିଙ୍ଘମ ଏଗେନ' ବିଷୟରେ କହିବାକୁ ଗଲେ, ଏହି ଫିଲ୍ମ ଏକ ଆକ୍ସନ୍ ଏବଂ ଥ୍ରୀଲର ଚଳଚ୍ଚିତ୍ର ଅଟେ । ଏଥିରେ ଅଜୟ ଦେବଗନଙ୍କ ସହ ରଣଭୀର ସିଂ, ଦୀପିକା ପାଦୁକୋନଙ୍କ ବ୍ୟତୀତ ମଲ୍ଟି ଷ୍ଟାର ଅର୍ଥାତ୍ ଅକ୍ଷୟ କୁମାର, କରୀନା କପୁର ଖାନ, ଟାଇଗର ଶ୍ରଫ ଏବଂ ଅର୍ଜୁନ କପୁରଙ୍କୁ ଦେଖିବାକୁ ମିଳିବ। ଏଥିସହ ଏଥିରେ ସଲମାନ ଖାନଙ୍କୁ ଚୁଲବୁଲ ପାଣ୍ଡେ ଭୂମିକାରେ କ୍ୟାମିଓ ରୋଲରେ ଦେଖିବାକୁ ମିଳିଛି । 'ଭୁଲ ଭୁଲେୟା 3' ବିଷୟରେ କହିବାକୁ ଗଲେ, ଏହି ଫିଲ୍ମରେ କାର୍ତ୍ତିକ ଆର୍ଯ୍ୟନ, ତ୍ରିପ୍ତି ଡିମ୍ରୀ ଏବଂ ବିଦ୍ୟା ବାଲାନ ଓ ମାଧୁରୀ ଦୀକ୍ଷିତ ମଧ୍ୟ ନଜର ଆସିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
