कानपूर कसोटीत शुन्यावर आऊट झाल्यावरही विराट कोहलीला मिळणार लाखो रुपये, अश्विनचीही होणार 'चांदी' - Ind vs Ban 2nd Test

Ind vs Ban 2nd Test : सध्या रविचंद्रन अश्विन आणि विराट कोहली हे भारतीय क्रिकेट संघातील दिग्गज खेळाडूंपैकी एक आहेत. अशा परिस्थितीत या दोघांच्या पगाराची चाहत्यांमध्ये जोरदार चर्चा सुरु आहे.

कानपूर Ind vs Ban 2nd Test : भारत आणि बांगलादेश क्रिकेट संघ यांच्यात 27 सप्टेंबर रोजी दुसरा कसोटी सामना खेळवला जाणार आहे. हा कसोटी सामना कानपूरच्या ग्रीन पार्क क्रिकेट स्टेडियमवर खेळवला जाणार आहे, ज्यात भारतीय संघ हा सामना जिंकून कसोटी मालिका जिंकू इच्छितो. एकीकडे सर्व चाहत्यांना विराट कोहलीच्या बॅटमधून धावांचा वर्षाव होताना पाहायचा आहे. दुसरीकडे, चाहत्यांना रविचंद्रन अश्विनची अष्टपैलू कामगिरी पुन्हा पहायची आहे.

दोघांच्या पगारात मोठी तफावत :विराट कोहली आणि रविचंद्रन अश्विन हे सध्या भारतीय संघाचे दिग्गज खेळाडू आहेत. या दोघांनी आपल्या कसोटी कारकिर्दीत अनेक उत्कृष्ट विक्रम केले आहेत. पण दोघांच्या पगारात मोठी तफावत आहे. विराट कोहलीचा BCCI च्या ग्रेड ए प्लस श्रेणीमध्ये समावेश आहे, तर रविचंद्रन अश्विनला ग्रेड ए यादीत ठेवण्यात आले आहे.

कोहली आणि अश्विनचा पगार किती : विराट कोहली ग्रेड ए प्लस श्रेणीमध्ये आहे, ज्यामध्ये त्याच्याशिवाय इतर तीन खेळाडू आहेत. ग्रेड ए प्लस श्रेणीतील खेळाडूचं वार्षिक वेतन 7 कोटी रुपये आहे. रविचंद्रन अश्विनशिवाय इतर पाच खेळाडू 'ए' श्रेणीत आहेत. ए श्रेणीतील खेळाडूंचं वार्षिक वेतन 5 कोटी रुपये आहे. अशा परिस्थितीत कोहली आणि अश्विनच्या पगारात 2 कोटींचा फरक आहे.

कोहली आणि अश्विनचा कसोटी पगार किती :BCCI च्या केंद्रीय करारामध्ये विराट कोहली आणि रविचंद्रन अश्विन वेगवेगळ्या श्रेणींमध्ये असूनही, दोघांनाही कसोटी सामने खेळण्यासाठी समान वेतन मिळतं. विराट कोहली आणि रविचंद्रन अश्विन यांना कसोटी सामना खेळण्यासाठी 15 लाख रुपये मिळतात. अशा परिस्थितीत, जेव्हा दोन्ही दिग्गज कानपूरच्या ग्रीन पार्क स्टेडियममध्ये आपला खेळ पूर्ण करतील तेव्हा त्यांच्या खात्यात 15 लाख रुपये जमा होतील.

कोहली-अश्विनचा एकदिवसीय आणि टी-20 मध्ये पगार किती : एकदिवसीय सामना खेळण्यासाठी BCCI विराट कोहली आणि रविचंद्रन अश्विन यांना समान वेतन देतं. दोघांना एकदिवसीय सामना खेळण्यासाठी 6 लाख रुपये मिळतात. आता कोहलीनं जरी T20 मधून निवृत्ती घेतली असली तरी विराट कोहली जेव्हाही T20 खेळला तेव्हा T20 मध्ये त्याचा पगार रविचंद्रन अश्विनच्या बरोबरीचा होता. या दोघांना टी-20 सामन्यासाठी 3 लाख रुपये मिळायचे. अश्विनला अजूनही टी-20 सामन्यासाठी तेवढंच मानधन मिळतं.

हेही वाचा :