ശബരിമല വിമാനത്താവളം; ഭൂമി ഏറ്റെടുക്കുന്നതിനുള്ള വിജ്ഞാപനം പുറത്തിറക്കി സംസ്ഥാന സർക്കാർ

1000.28 ഹെക്‌ടർ ഭൂമിയാണ് ശബരിമല ഗ്രീൻഫീൽഡ് വിമാനത്താവളത്തിനായി സർക്കാർ ഏറ്റെടുക്കുന്നത്

പത്തനംതിട്ട:നിർദ്ദിഷ്‌ട ശബരിമല ഗ്രീൻഫീൽഡ് വിമാനത്താവളത്തിന് ഭൂമി ഏറ്റെടുക്കുന്നതിനുള്ള വിജ്ഞാപനം സംസ്ഥാന സർക്കാർ പുറത്തിറക്കി. വിമാനത്താവളത്തിന് 1000.28 ഹെക്‌ടർ ഭൂമി ആണ് ഏറ്റെടുക്കുന്നത്. ഭൂമി ഏറ്റെടുക്കുന്നത് സംബന്ധിച്ച് ആക്ഷേപമുള്ളവർ 15 ദിവസത്തിനകം രേഖാമൂലം വിവരം അറിയിക്കണമെന്നും വിജ്ഞാപനത്തിൽ സൂചിപ്പിക്കുന്നു.

2027 ൽ വിമാനത്താവളത്തിന്‍റെ ആദ്യഘട്ടം പൂർത്തിയാകും. വിമാനത്താവള സാധ്യതാ പഠനത്തിനും പദ്ധതിരേഖ തയ്യാറാകുന്നതിനും 1.85 കോടി രൂപ സംസ്ഥാന ബജറ്റിൽ ഇത്തവണ അനുവദിച്ചിട്ടുണ്ട്.