ന്യൂഡല്ഹി : റഷ്യയിലെ മോസ്കോയില് ഉണ്ടായ ഭീകരാക്രമണത്തെ അപലപിച്ച് പ്രധാനമന്ത്രി നരേന്ദ്ര മോദി (PM Modi on Moscow shooting). ആക്രമണത്തെ 'നിന്ദ്യമായ പ്രവൃത്തി' എന്ന് വിളിച്ച മോദി റഷ്യന് സര്ക്കാരിനോടും രാജ്യത്തെ ജനങ്ങളോടും ഐക്യദാര്ഢ്യം പ്രകടിപ്പിക്കുകയും ചെയ്തു (PM Modi condemns heinous terrorist attack in Moscow).
'മോസ്കോയിലെ ഹീനമായ ഭീകരാക്രമണത്തെ ഞങ്ങള് ശക്തമായി അപലപിക്കുന്നു. ഞങ്ങളുടെ മനസും പ്രാര്ഥനകളും ഇരകളുടെ കുടുംബത്തോടൊപ്പമുണ്ട്. സങ്കടകരമായ ഈ സമയത്ത് റഷ്യന് സര്ക്കാരിനോടും ജനങ്ങളോടും ഇന്ത്യ ഐക്യദാര്ഢ്യം പ്രകടിപ്പിക്കുന്നു' -പ്രധാനമന്ത്രി നരേന്ദ്ര മോദി എക്സില് കുറിച്ചു.
മോസ്കോയുടെ പടിഞ്ഞാറു ഭാഗത്തുള്ള ക്രോക്കസ് സിറ്റി ഹാളില് ഇന്നലെ (മാര്ച്ച് 22) ആണ് ആക്രമണം നടന്നത്. സംഗീത നിശയ്ക്കായി ആളുകള് ഒത്തുകൂടിയപ്പോള് ആയുധധാരികളായ അഞ്ച് പേര് ഹാളിലെത്തി വെടിയുതിര്ക്കുകയായിരുന്നു. പിന്നാലെ ഹാളില് രണ്ട് സ്ഫോടനങ്ങളും നടന്നു.