Yeola Market Committee Closed : येवला बाजार समिती राहणार 8 दिवस बंद.. कांदा, मका, भुसार लिलावही होणार नाहीत..

येवला ( नाशिक ): येवला कृषी उत्पन्न बाजार समिती पुढील आठ दिवस बंद राहणार ( Yeola Market Committee Closed ) आहे. शनिवार 26 मार्च ते गुरुवार 31 मार्चपर्यंत मार्चअखेर असल्याने व्यापाऱ्यांनी केलेल्या अर्जानुसार कृषी उत्पन्न बाजार समितीतील कांदा, मका व भुसार धान्य लिलाव बंद राहणार आहेत. तसेच 1 एप्रिल रोजी अमावस्या व शनिवार 2 एप्रिल रोजी गुढीपाडवा सण असल्याने कृषी उत्पन्न बाजार समिती अशी सलग आठ दिवस बंद राहणार आहे. बाजार समिती बंद राहिल्याने शेतमाल कुठे विक्री करावा असा प्रश्न शेतकऱ्यांपुढे निर्माण झाला आहे.