Villagers burnt alive leopard : संतप्त ग्रामस्थांनी दाखविला क्रुर चेहरा; पिंजऱ्यात सापडलेल्या बिबट्याला जाळले जिवंत

पौरी (डेहराडून ) - गढवाल वनविभागाच्या नागदेव श्रेणीतील पाबो ब्लॉकमधील सपलोडी गावातील लोकांनी पिंजऱ्यात बिबट्याला जाळून ( Villagers burnt alive leopard in Pauri garhwal ) टाकले. वनविभागाचे पथक येण्यापूर्वीच संतप्त ग्रामस्थांनी बिबट्याला जाळून ठार केल्याचे ( Nagdev range Forest Division garhwal ) सांगितले जात आहे. अशा परिस्थितीत वनविभागाच्या पथकाने बिबट्याचा मृतदेह ताब्यात घेऊन शवविच्छेदन केले. ग्रामस्थांवर नियमानुसार कायदेशीर कारवाई केली जाईल, असे वनविभागाच्या अधिकाऱ्यांनी सांगितले. 15 मे रोजी नागदेव पर्वतरांगेतील पाबो ब्लॉकमधील सपलोडी गावात बिबट्याने जंगलात फळ गोळा करण्यासाठी गेलेल्या महिलेवर हल्ला केला होता. हल्ल्यात महिलेचा मृत्यू झाला होता. त्यानंतर वनविभागाने येथे दोन पिंजरे लावले होते. दरम्यान, कुलमोरी गावात सोमवारी रात्री बिबट्याने अंगणात एका महिलेवर हल्ला करून जखमी केले. डीएफओ गढवाल मुकेश कुमार यांनी सांगितले की, मंगळवारी सकाळी सपलोडी गावात बिबट्या पिंजऱ्यात कैद झाल्याची माहिती वनविभागाला मिळाली होती. त्याच्या बचावासाठी टीम पाठविण्यात आली. वनविभागाचे पथक घटनास्थळी पोहोचण्यापूर्वीच 4 ते 5 गावातील संतप्त ग्रामस्थांनी पिंजऱ्यातील बिबट्याला जिवंत जाळले. यावेळी वनविभागाच्या पथकालाही ग्रामस्थांच्या रोषाला सामोरे जावे लागले. डीएफओ गढवाल यांनी सांगितले की, बिबट्याचा मृतदेह शवविच्छेदन करून नष्ट करण्यात आला आहे. याप्रकरणी बिबट्याला जाळणाऱ्या ग्रामस्थांवर कायदेशीर कारवाई करण्यात येत आहे.