चोरीचा आरोप करत दुकानदाराने लहान मुलीचे हात-पाय बांधून केली मारहाण.. व्हिडीओ व्हायरल - barabanki latest news

बाराबंकी ( उत्तरप्रदेश ) : बाराबंकी येथील एक व्हिडिओ सोशल मीडियावर मोठ्या प्रमाणात व्हायरल होत आहे. व्हिडिओमध्ये दिसत आहे की, एक व्यक्ती एका अल्पवयीन मुलीला हातपाय बांधून बेदम मारहाण करत आहे. याबाबत घटना अशी की, शुक्रवारी संध्याकाळी ही लहान मुलगी गावातील एका किराणा दुकानातून काही वस्तू घेण्यासाठी गेली. यादरम्यान दुकानदाराने गल्लीतील काही पैसे चोरल्याचा आरोप करत तिला मारहाण केली. हा दुकानदार प्रथम मुलीचे हात पाय कसे बांधत आहे, हे व्हिडिओमध्ये स्पष्टपणे दिसत आहे. त्यानंतर तिच्यावर चोरीचा आरोप करत तिला मारहाणही करत आहे. मुलीचा आवाज ऐकून गावकऱ्यांनी घटनास्थळ गाठून पोलिसांना या प्रकरणाची माहिती दिली. खुर्ची पोलिस ठाण्यात मुलीच्या वडिलांच्या तक्रारीवरून दुकानदारासह तिघांविरुद्ध गुन्हा दाखल करण्यात आला आहे. यासोबतच आरोपीला ताब्यात घेऊन कसून चौकशी करण्यात येत आहे.