Video : रस्त्याच्या दुरुस्तीसाठी अनोखे आंदोलन.. खड्ड्यांची आरती करून घातले लोटांगण.. - उडुपी मणिपाल राष्ट्रीय महामार्ग

मंगळुरू ( कर्नाटक ) : रस्त्याच्या दुरुस्तीसाठी उडुपी येथील सामाजिक कार्यकर्ते नित्यानंद वोलकाडू social worker Nityananda Volakadu यांनी मंगळवारी शहरातील इंद्राली पुलावरील खड्ड्यांची आरती करून रस्त्यावरच लोटांगण घेतले. मंदिराभोवती रस्त्यावर लोळत जाण्याच्या विधीला कर्नाटकात 'उरुली सेवे' म्हणतात. त्याचप्रमाणे त्यांनी हे आंदोलन केले. या प्रसंगी बोलताना वोलकाडू म्हणाले की, उडुपी-मणिपाल राष्ट्रीय महामार्गावरील Udupi Manipal National Highway रस्त्यासाठी तीन वर्षांपूर्वी निविदा काढण्यात आल्या होत्या, तरीही हा भाग दयनीय अवस्थेत आहे. कोणीही कोणताही मुद्दा मांडत नाही. दररोज हजारो लोक या रस्त्याचा वापर करतात. मुख्यमंत्रीही या रस्त्यावरून गेले आहेत. या रस्त्याच्या दुरुस्तीसाठी पंतप्रधान नरेंद्र मोदी किंवा केंद्रीय मंत्री नितीन गडकरी यांनी येथे यावे, असे ते म्हणाले. वोलकाडू म्हणाले की, उडुपीचे लोक निर्दोष आहेत. रस्त्यावर पथदिवे नसल्याने येथे दररोज अपघात होत आहेत. याच कारणामुळे अनेक गाई-वासरांचा मृत्यू झाला आहे. गाई-वासरांच्या नावावर मते मागणाऱ्यांना रस्त्याच्या दयनीय अवस्थेची पर्वा नाही, असे ते म्हणाले. त्यांनी नारळ फोडून रस्त्यावरील खड्ड्यांची आरती करून निषेध केला.