बोअरवेलमध्ये पडलेला ६ वर्षांचा चिमुकला सुखरूप बाहेर, NDRF चे १६ तासांचे प्रयत्न यशस्वी - बोअरवेल

पुणे - आंबेगाव तालुक्यातील थोरांदळे गावात रस्त्याचे काम करणाऱ्या मजुराचा ६ वर्षांचा मुलगा रवी बोअरवेलमध्ये पडला होता. त्याला वाचवण्यासाठी बुधवारी संध्याकाळपासून बचाव कार्य सुरू होते. यात स्थानिक नागरिकांसह पोलीस जवानांनी शर्थीचे प्रयत्न करून अखेर 16 तासांनी त्याला सुखरूप बाहेर काढले.