VIDEO : वाढदिवस साजरा करताना उडाला आगीचा भडका, बर्थडे बॉय सुखरूप

ठाणे - वाढदिवस साजरा करताना आगीचा भडका उडाला व तिच्या कवेत बर्थड बॉय आल्याची थरारक घटना समोर आली होती. ही घटना अंबरनाथ शहरातील बुवापाडा परिसरात घडली होती. राहुल मौर्य, असे बर्थडे बॉयचे नाव आहे. वाढदिवसाचा केक कापताना राहुलच्या हातात फुलझडी सारखी वस्तू होती. या दरम्यान त्याच्या मित्रांनी डोक्यावर अंडी आणि पिट टाकल्याने थेट आगीचा भडका उडाला व तिच्या कवेत राहुल आला. व्हिडिओ व्हायरल झल्यानंतर पोलिसांनी या व्हायरल व्हिडिओच्या आधारे राहुलचा शोध घेऊन त्याला अंबरनाथ पोलीस ठाण्याचे वरिष्ठ पोलीस निरीक्षक कोते यांच्या समोर हजर केले. त्यानंतर वाढदिवसाच्या दिवशी काय घडले याची सत्य बाजू समोर आली असून, त्या घटनेत राहुलला काहीच इजा झाली नसल्याचा व्हिडिओ आज पोलिसांनी व्हायरल केला आहे. मात्र, वाढदिवस साजरा करताना शोभेचे फटाके वापरू नका, असे आव्हान पोलिसांकडून करण्यात आले आहे.