श्रीनगर (जम्मू-कश्मीर) - कारगिल विजय दिवसानिमित्त ( Kargil Vijaya Diwas ) भारतीय जनता पक्षाने आज श्रीनगरमधील लाल चौकात एका कार्यक्रमाचे आयोजन केले होते. यावेळी लाल चौक ते द्रासपर्यंत दुचाकी रॅलीचे ( Bike Rally ) आयोजन केले होते. यावेळी भाजप कार्यकर्त्यांनी सहभाग घेऊन ध्वजारोहण केले. कार्यक्रमाच्या आयोजनासाठी सुरक्षा दल तैनात करण्यात आले असून लाल चौकाला सुरक्षा देण्यात आली होती. या कार्यक्रमात सहभागी झालेल्या कार्यकर्त्यांनी आणि दुचाकीस्वारांनी मनोगत व्यक्त केले आणि सांगितले की, कारगिल युद्धात शहीद झालेल्या सैनिकांच्या स्मरणार्थ हा कार्यक्रम आयोजित करण्यात आला आहे. काल भाजपचे युवा राष्ट्रीय सचिव वैभाऊ कुमार यांनी आज सांगितले की, कलम 370 रद्द केल्यानंतर श्रीनगरमध्ये भाजपचा हा सर्वात मोठा कार्यक्रम असेल. 1999 मध्ये कारगिलच्या द्रास सेक्टरमध्ये पाकिस्तान आणि भारतीय सैन्यामध्ये युद्ध झाले होते, ज्यामध्ये भारतीय सैन्याने पाकिस्तानी सैनिकांना माघारी जाण्यास भाग पाडले होते. या युद्धात शहीद झालेल्या जवानांसाठी दरवर्षी २६ जुलै रोजी लष्कराकडून कारगिल विजय दिवस साजरा केला जातो.