Tirupati Balaji: बालाजी मंदिरात महिला भाविकाने अर्पण केले अडीच कोटींचे दागिने

तिरुपती - आंध्र प्रदेशातील प्रसिद्ध तिरुपती बालाजी मंदिरात एका महिला भक्ताने मोठे दान केले आहे. त्यांनी भगवान व्यंकटेश्वर स्वामींना सोन्याचा हार आणि यज्ञोपवीत अर्पण केले आहे. चेन्नईस्थित सरोजा सूर्यनारायण यांनी गुरुवारी संध्याकाळी 4.150 किलो वजनाचे दागिने TTD EO धर्मरेड्डी यांना सुपूर्द केले. या दागिन्यांची किंमत 2.45 कोटी रुपये असल्याचे सांगण्यात येत आहे. याशिवाय देणगीदारांनी चेन्नईतील टीटीडीला 3.50 कोटी रुपयांची जमीन दान करण्याचा निर्णय घेतला आहे. तथापि, टीटीडीने भक्ताला सांगितले की महसूल अधिकार्‍यांनी पाहणी केल्यानंतर जागा अधिकृतपणे घेतली जाईल.