आमदार पडळकरांच्या बंधूच्या गाडीला भीषण अपघात, तीन जण गंभीर जखमी - भीषण अपघात

सांगली - भाजपचे आमदार गोपीचंद पडळकर ( MLA Gopichand Padalkar ) यांचे मोठे बंधू व सांगली जिल्हा परिषद सदस्य ब्रह्मानंद पडळकर ( Brahmanand Padalkar ) यांच्या गाडीला भीषण अपघात झाला आहे. या अपघातात ब्रह्मानंद पडळकर यांच्यासह तिघेजण गंभीर जखमी झाले आहेत. विटा-कुंडल रस्त्यावर हा अपघात झाला आहे. एका कार्यकर्त्याच्या मुलीच्या साखरपुढ्यासाठी जात असताना मालवाहू टेम्पो आणि पडळकर यांच्या वाहनाचा समोरासमोर धडक होऊन हा अपघात झाला आहे. अपघातात दोन्ही वाहनांचा चक्काचूर झाला आहे. या अपघातानंतर जखमींना विट्याच्या रुग्णालयात दाखल करण्यात आले आहे. अपघाताची बातमी कळताच सातारा जिल्हा दौऱ्यावर असणारे आमदार गोपीचंद पडळकर हे आपला साताराचा दौरा सोडून विट्याकडे रवाना झाले आहेत.