राज्यात संचारबंदी लागू; वरळी मार्केटमध्ये शुकशुकाट - मुंबई कोरोना बातमी

मुंबई - राज्यात कोरोनाचा प्रादुर्भाव वाढत आहे. मुंबईच्या वरळी परिसरातील मार्केटमध्ये नेहमीच गर्दी असते. मात्र आज याच मार्केटमध्ये तुरळक दुकाने उघडी होती. भाजी मार्केट पूर्ण बंद होते. कोरोनाला वेसण घालण्यासाठी वरळीकर घरीच बसून आहेत. मागील वर्षी याच वरळीतून कोरोनाचा विस्फोट झाला होता. मात्र यंदा वरळीकर खबरदारी घेताना दिसत आहेत. त्यामुळे वरळी मार्केटमध्ये शुकशुकाट बघायला मिळत आहे.