VIDEO : 'पप्पा नका ना जाऊ, बाहेर कोरोना आहे' पोलीस वडिलांस चिमुकल्याची आर्त साद

कोरोना विषाणूमुळे संपूर्ण देश घरात बंदिस्त आहे. या परिस्थितीतही अत्यावश्यक सेवा बजावणारे पोलीस मात्र, दिवसरात्र घराबाहेर आहेत. अशा कठीण प्रसंगी घरातून बाहेर जाताना कुटुंबीयांना त्यातही लहानग्यांना समजावणे पोलिसांना अवघड जाते. असाच एक व्हिडिओ सध्या प्रचंड व्हायरल होत आहे. कर्तव्यावर जात असताना घरातील चिमुकल्याने आपल्या वडिलांना 'पप्पा बाहेर नका ना जाऊ, बाहेर कोरोना आहे' असे म्हणत टाहो फोडला. मात्र या अधिकाऱ्याने आपल्या लहानग्याची समजुत काढत सेवेवर जाणे महत्वाचे मानले. आलेल्या कठीण परिस्थितीतदेखील अधिकाऱ्यांची 'कुटुंबा पुढे कर्तव्य' अशी असलेली भावना केवळ आवश्यक सेवांमध्ये काम करणार्‍यांनाच नाही, तर संपूर्ण समाजाला प्रेरणा देत आहे.