Wrestlers' Protest: आम्ही नार्को टेस्ट करायला तयार आहोत, ब्रिजभूषण सिंग यांचीही नार्को टेस्ट व्हावी - जंतरमंतरवर कुस्तीपटूंचे आंदोलना

नवी दिल्ली :दिल्लीच्या जंतरमंतरवर कुस्तीपटूंच्या आंदोलनाचा बुधवारी १८ वा दिवस आहे. कुस्तीपटू ब्रिज भूषण शरण सिंह यांच्या अटकेच्या मागणीसाठी जंतरमंतरवर ते आंदोलन करत आहेत. त्याचबरोबर कुस्तीपटूंना आजवर अनेक राजकीय पक्षांचा पाठिंबा मिळाला आहे. सामाजिक संघटना, किसान संघटना, महिला संघटना अशा अनेक राजकीय पक्षांनी कुस्तीपटूंना उघड पाठिंबा दिला आहे. जंतरमंतरवर बसलेले कुस्तीपटू बजरंग पुनिया, साक्षी मलिक आणि विनेश फोगट यांनी बुधवारी पत्रकार परिषद घेतली. यामध्ये साक्षी मलिक म्हणाली की, आम्हाला अजून न्याय मिळाला नाही आणि आम्ही आमच्या हक्काच्या आवाजासाठी लढत आहोत. महिला कुस्तीपटू साक्षी मलिक म्हणाली की, आतापर्यंत तिला देशातील सर्व लोकांचा पाठिंबा मिळाला आहे. विद्यार्थी, महिला संघटना, शेतकरी संघटना, कामगार संघटनांनी सहकार्य केले आहे. दरम्यान, बुधवारी जंतरमंतर येथे कुस्तीपटूंनी पत्रकार परिषद घेतली. यावेळी त्यांनी ब्रिजभूषण सिंग यांची नार्को टेस्ट करण्याची मागणी केली आहे. तसेच, नार्को टेस्टसाठी आम्ही तयार आहोत असेही सांगितले आहे.