Stones Pelted On Yediyurappa House: आरक्षणावरून कर्नाटकचे माजी मुख्यमंत्री बीएस येडियुरप्पा यांच्या घरावर दगडफेक
शिवमोग्गा (कर्नाटक) : माजी मुख्यमंत्री बीएस येडियुरप्पा यांच्या घरावर आंदोलकांनी दगडफेक केली. यामुळे घराच्या काचा फुटल्या. या घटनेच्या पार्श्वभूमीवर अतिरिक्त पोलीस बंदोबस्त तैनात करण्यात आला आहे. कर्नाटकातील बंजारा समाज आरक्षणामध्ये भेदभाव केल्याचा आरोप करत निषेध करत आहे. या भागात काही आंदोलकांनी शिकारीपुरा येथील माजी मुख्यमंत्री बीएस येडियुरप्पा यांच्या घरावर दगडफेक केली. सुरक्षेच्या दृष्टीने पोलिसांनी येडियुरप्पा यांच्या घराकडे जाणाऱ्या रस्त्यावर बॅरिकेड्स लावले, ज्यावर काही लोकांनी बॅरिकेड्स ओलांडण्याचा प्रयत्न केला. जमावाला पांगवण्यासाठी पोलिसांनी लाठीचार्जही केला आहे. राज्य सरकारने आणलेल्या अंतर्गत आरक्षणात बंजारा समाजावर अन्याय होत असल्याचा आरोप करत सोमवारी शिकारीपुरा येथे समाजाच्या लोकांनी निदर्शने केली. यावेळी आंबेडकर सर्कल ते तालुका प्रशासन कार्यालय असा निषेध मोर्चा काढण्यात आला. त्याचबरोबर समाजाकडून याबाबत न्यायालयात याचिका दाखल करण्याची तयारी सुरू आहे.