Nashik Leopard बिबट्याचा मानवी वस्तीत वावर, हालचाली सीसीटीव्हीत कैद - मुक्तपणे मानवी वस्ती रोडवर संचार

Nashik Leopard नाशिक येवला शहरातील नांदगाव रोड लगत असलेल्या मुस्लिम बांधवांच्या कब्रस्तानजवळ बिबट्याचा मानवी वस्तीत सरार्सपणे वावरत असल्याचा व्हिडिओ सीसीटीव्ही मध्ये कैद झाला आहे. तरी आता शहराजवळ असलेल्या कॉलनी भागात बिबट्या आढळल्याने नागरिकांमध्ये एकच घबराट पसरली आहे, तरी वन विभागाने सदर बिबट्याचा बंदोबस्त करावा, अशी मागणी जोर धरू लागली आहे. येवला शहरातील नांदगाव रोड लागत असलेल्या मुस्लिम बांधवांच्या वसाहतीमध्ये बिबट्याच्या हालचाली या 15 डिसेंबरच्या पहाटे सीसीटीव्ही कॅमेऱ्यात कैद झाल्या आहे. पहाटे फिरायला चाललेला एका इसमास बिबट्या दिसल्याचे त्वरित त्याने तेथील ड्रायफिश दुकानदाराला सांगितले असता, त्यानी आपल्या लावलेल्या सीसीटीव्ही कॅमेऱ्यात तपासणी केली असता, हा बिबट्या साडेपाच वाजेच्या सुमारास मुक्तपणे मानवी वस्ती रोडवर संचार करत असल्याचे दिसून आले आहे. या घटनेची सदरची माहिती वनविभागाला दिली असता, घटनास्थळी दाखल होत व्हिडिओची पाहणी केली. शहरालगत मानवी वस्ती परिसरात बिबट्याचा वावर असल्याने परिसरामध्ये पिंजरा लावावा, अशी मागणी नागरिकांनी केली आहे.