MVA Sambhaji Nagar Rally: राज्यस्तरावरील सभा असल्याने राहुल गांधी यांचे फोटो टाळले, जयंत पाटलांचे स्पष्टीकरण - MVA sambhaji nagar rally

पुणे : महाविकास आघाडीकडून आजपासून राज्यातील तसेच केंद्रातील भाजप सरकार विरोधात वज्रमूठ सभा घेण्यात येणार आहे. त्याची सुरवात आजपासून छत्रपती संभाजीनगर येथून होणार आहे. या सभेअगोदर त्याचे ट्रेलर आणि पोस्टर देखील प्रदर्शित करण्यात आले होते. दरम्यान, यामध्ये काँग्रेस नेते राहुल गांधी यांचे फोट लावण्यात आलेल नाहीत याबाबत मोठी उलट-सुलट चर्चा झाली आहे. दरम्यान, राष्ट्रवादी काँग्रेसचे प्रदेशाध्यक्ष जयंत पाटील यांना त्याबाबत विचारले असता ते म्हणाले की ही सभा राज्यस्थरावरची त्यामुळे  यामध्ये राज्यातील नेते असणार आहेत. तसेच, प्रत्येक पक्षाकडून एक एक प्रतिनिधी असे असणार आहे असही ते म्हणाले आहेत. ते आज पुण्याचे खासदार गिरीश बापट यांच्या कुटुंबीयांची सांत्वनपर भेट घेण्यासाठी आले असता पत्रकारांशी बोलत होते.