UP Police Beat Health Worker : असंवेदनशील! पोलिसांची कडेवर लेकरु घेतलेल्या बापाला काठीने मारहाण - UP Police Beat Worker in kanpur

कानपूर देहात - उत्तरप्रदेशातील कानपूर देहात येथील जिल्हा रुग्णालय परिसरात चतुर्थ कर्मचारी संघटना आंदोलन करत होते. यावेळी त्याच्यात चर्चा सुरू होती. कर्मचाऱ्यांच्या मागण्या अधिकारी मान्य करत नव्हते. त्यामुळे कर्मचारी आपल्या आंदोलनावर ठाम होते. यावेळी युपी पोलिसांना कार्यवाई साठी पाचारण करण्यात आले. यादरम्यान, उत्तरप्रदेश पोलिसांनी कडेवर लहान मूल असलेल्या व्यक्तीला काठीने मारहाण ( UP Police Beat Health Worker ) केल्याचा प्रकार नुकताच उघडकीस आला. उत्तर प्रदेशातील कानपूरच्या ग्रामीण भागात घडलेल्या या प्रकाराचा व्हिडिओ व्हायरल झाल्यानंतर पोलिसाच्या असंवेदनशीलतेवर टिकेचा भडिमार होत आहे. त्यानंतर संबंधित पोलिसाचे निलंबन करण्याचा निर्णय घेण्यात आला आहे. पोलिसाने केलेल्या मारहाणीची मिनिटभराची व्हिडिओ क्लीप सोशल मीडियावर व्हायरल झाली आहे.