Nutrition week २०२३ : राष्ट्रीय पोषण सप्ताह 2023; 'ही' लक्षणे दाखवतात तुमच्या शरीरातील पोषक तत्वांची कमतरता...

Nutrition week २०२३ : दरवर्षी सप्टेंबरच्या पहिल्या आठवड्यात 1 ते 7 सप्टेंबर या कालावधीत “राष्ट्रीय पोषण सप्ताह” साजरा केला जातो. तुमच्या शरीरात पोषक तत्वांची कमतरता असल्यास त्या संबंधित काही लक्षणे दिसून येतात. जाणून घ्या काय आहेत लक्षणे...

हैदराबाद : Nutrition week २०२३ आपले शरीर निरोगी राहण्यासाठी आपला आहार स्वच्छ आणि शुध्द असणे अत्यंत गरजेचे असते. कारण आहारातूनच आपल्याला सर्व गोष्टी मिळत असतात. जर तुमच्या शरीरात पोषणाची कमतरता असेल तर काही लक्षणे दिसून येतात. पोषक घटकांच्या कमतरतेमुळे अनेक शारीरीक आजारांना सामोरे जावे लागू शकतं. ही लक्षणे दिसू लागल्यानंतर तुम्ही लगेचच तुमच्या आहारात पोषक घटकांचा समावेश करा. जाणून घ्या पोषणाच्या कमतरतेने होणारी लक्षणे काय आहेत.

शरीरातील पोषक तत्वांची कमतरता आणि त्याची लक्षणे :

• कोरडी त्वचा किंवा खाज सुटणे :जर तुमची त्वचा खूप कोरडी किंवा खाजत असेल तर तुम्हाला डाइट्री फैटची कमतरता असू शकते. जर असे दररोज होत असेल, तर तुम्ही तुमच्या आहारात डाइट्री फैट असलेले जसे काजू, बदाम, अक्रोडचा समावेश करा. याशिवाय तूपही खाण्यास सुरुवात करा.

• मासिक पाळी दरम्यान जास्त रक्तस्त्राव : मासिक पाळीच्या वेळी योग्य रक्तस्राव होण्यासाठी शरीरात कॅल्शियम आणि व्हिटॅमिन सी असणे आवश्यक आहे. जास्त रक्तस्त्राव होणे चांगले नाही. कॅल्शियम आणि व्हिटॅमिन सी हे पौष्टिक घटक क्लोटिंग यंत्रणेत महत्त्वाची भूमिका बजावतात. त्यामुळे मासिक पाळीदरम्यान जास्त रक्तस्त्राव होत असल्यास, तुम्ही तुमच्या आहारात कॅल्शियम आणि व्हिटॅमिन सी असलेल्या पदार्थांचा समावेश करा.

• घोरणे : जर तुम्ही जास्त प्रमाणात घोरत असाल तर तुम्हाला लठ्ठपणा सारख्या काही इतर लक्षणांना देखील सामोरे जावे लागू शकते. अशा लोकांची मानही अनेकदा खूप लहान असल्याचे दिसून येते. हे स्लीप एपनियाचे लक्षण असू शकते, ज्यामध्ये तुम्ही झोपत असताना तुमचा श्वासोच्छ्वास व्यवस्थित थांबत नाही. अशा लोकांनी या झोपेच्या विकारावर उपचार करून त्यासंबंधीचा आहार पाळावा.

• डोळे कोरडे पडणे : जर तुमचे डोळे कोरडे राहत असतील तर याचे मुख्य कारण म्हणजे व्हिटॅमिन ए ची कमतरता. या समस्येमध्ये जर तुम्ही बराच वेळ चष्मा लावलात किंवा मुरुमांशी संबंधित औषधे घेत असाल तर तुम्हाला ही समस्या दिसू शकते. हे टाळण्यासाठी आपण आपल्या आहारात व्हिटॅमिन ए असलेल्या पदार्थांचा समावेश करणे सुरू केले पाहिजे.

• हिरड्यातून रक्तस्त्राव होणे : जर हिरड्यांमधून रक्तस्त्राव सुरू झाला तर याचा अर्थ तुम्हाला तोंडाच्या स्वच्छतेशी संबंधित समस्या येत आहेत. अनेकदा हिरड्यांमधून रक्तस्त्राव व्हिटॅमिन सीच्या कमतरतेमुळेही होऊ शकतो. हा रक्तस्त्राव थांबवण्यासाठी तुम्ही तुमच्या आहारात व्हिटॅमिन सी असलेल्या पदार्थांचा समावेश करावा. व्हिटॅमिन सी असलेल्या पदार्थ म्हणजे आवळा, संत्री आणि लिंबू इत्यादी लिंबूवर्गीय फळांचा समावेश होतो.

हेही वाचा :