नवी दिल्ली :सरकारने सोमवारपासून सरकारी गोल्ड बाँड (SGB) योजना 2023-24 सुरू केली आहे. पहिल्या हप्त्यासाठी सोन्याची इश्यू किंमत 5,926 रुपये प्रति ग्रॅम निश्चित करण्यात आली आहे. अर्थ मंत्रालयाने शुक्रवारी एका निवेदनात म्हटले आहे की 19 जून ते 23 जून या कालावधीत पहिल्या हप्त्यात सुवर्ण रोखे खरेदी करता येतील. या कालावधीत खरेदी केल्या जाणार्‍या सोन्याच्या रोख्यांची किंमत 5,926 रुपये प्रति ग्रॅम निश्चित करण्यात आली आहे.
ऑनलाइन पेमेंट करणाऱ्यांना मिळणार सूट :या योजनेअंतर्गत सरकार डिजिटल पेमेंटलाही प्रोत्साहन देत आहे. मंत्रालयाने सांगितले की, रोख्यांसाठी ऑनलाइन अर्ज करणाऱ्या आणि डिजिटल माध्यमातून पेमेंट करणाऱ्या गुंतवणूकदारांना खरेदीवर 50 रुपये प्रति ग्रॅमची सूट देण्याचा निर्णय घेण्यात आला आहे.
बाँड्स या माध्यमातून विकत घेतले जाऊ शकतात :बँका, नियुक्त पोस्ट ऑफिस, स्टॉक होल्डिंग कॉर्पोरेशन ऑफ इंडिया लिमिटेड (SHCIL) आणि स्टॉक एक्सचेंज - नॅशनल स्टॉक एक्सचेंज (NSE) आणि बॉम्बे स्टॉक एक्सचेंज (BSE) द्वारे बाँड विकले जाऊ शकतात.
SGB योजनेचे फायदे:
- सार्वभौम गोल्ड बाँडमध्ये शुद्धतेचा कोणताही धोका नाही.
- ते तारण ठेवून तुम्ही सहज कर्ज घेऊ शकता.
- या योजनेला सार्वभौम हमी मिळाली आहे, अशा परिस्थितीत गुंतवणूक बुडण्याचा धोका नाही.
- तो 8 वर्षे धरून ठेवल्यास भांडवली लाभ कर लागू होत नाही.
- गुंतवणूकदारांना 2.5 टक्के दराने व्याज मिळते, जे सहा महिन्यांत दिले जाते.
SGB योजनेचा शुभारंभ : सोन्याची भौतिक मागणी कमी करण्याच्या उद्देशाने आणि सोन्याच्या खरेदीद्वारे घरगुती बचतीचा एक भाग आर्थिक बचतीमध्ये रूपांतरित करण्याच्या उद्देशाने नोव्हेंबर 2015 मध्ये SGB योजना प्रथम सुरू करण्यात आली. गोल्ड बाँड्सची किंमत इंडिया बुलियन अँड ज्वेलर्स असोसिएशनद्वारे 999 शुद्धतेच्या सोन्याच्या सरासरी बंद किंमतीच्या आधारावर निश्चित केली जाते.
हेही वाचा :
- Side effects of soap : रोज साबणाने आंघोळ करणे त्वचेसाठी हानिकारक! जाणून घ्या त्याचे दुष्परिणाम काय आहेत...
- Cashless Claim In Health Insurance : आरोग्य विमा घेताना करा कॅशलेस क्लेम, जाणून घ्या फायदे
- Fathers Day 2023 : फादर्स डे 2023 निमित्त वडिलांना द्या अशी भेटवस्तू आणि करा त्यांचा भार हलका...
