हैदराबाद : Foot Care Tips for Winter हिवाळा सुरू होताच, लोकांना त्यांच्या टाचांना भेगा पडल्याची काळजी वाटू लागते. थंड वाऱ्यामध्ये आर्द्रतेची कमतरता असते, त्यामुळं त्वचा कोरडी होऊ लागते. त्याचबरोबर धूळ, घाण आणि प्रदूषणाचे कणही टाचांच्या त्वचेला चिकटू लागतात. त्यामुळं त्वचा कोरडी पडते आणि भेगा पडू लागतात. टाचांना भेगा पडल्यानं चालण्यास त्रास होतो. अशा परिस्थितीत टाचांना भेगा पडू नयेत असे वाटत असेल तर पायांची काळजी घेणं सुरू करा.
- गरम पाण्यापासून दूर राहा :लोकांना हिवाळ्यात गरम पाण्यानं आंघोळ करायला आवडतं. जरी गरम पाण्यानं आंघोळ करणं खूप आरामदायी असले तरी ते त्वचेसाठी खूप वाईट मानलं जातं. गरम पाण्यानं अंघोळ केल्यानं त्वचा निर्जीव होते. मृत त्वचेपासून मुक्त होण्यासाठी, कोमट पाण्यानं आंघोळ सुरू करा. कोमट पाणी पाय स्वच्छ करण्यासाठी देखील चांगले आहे.
- क्लिंझर वापरा :हिवाळ्यात टाच स्वच्छ ठेवण्यासाठी तुम्हाला काही बदल करावे लागतील. उदाहरणार्थ, टाच स्वच्छ करण्यासाठी फूट क्लीन्सर वापरा. नैसर्गिक क्लीन्सर वापरण्याचा प्रयत्न करा. ज्यामध्ये रसायनांचे प्रमाण कमी असते.
- फूट क्रीम लावा : फूट क्रीममुळं टाच चांगल्या प्रकारे मॉइश्चराइज्ड होते. टाचांमध्ये आर्द्रता राखण्यासाठी फूट क्रीम वापरा. घोट्यांभोवतीची त्वचा देखील मॉइश्चरायझ करा. आंघोळीनंतर लगेचच ते क्रिम वापरण्याचा सर्वोत्तम वेळ मानला जातो. दररोज आंघोळीनंतर आणि झोपण्यापूर्वी आपले पाय धुवा आणि क्रीम किंवा लोशन लावा.
- मोजे घाला :पायांचे संरक्षण करण्यासाठी सुती मोजे घाला. असं केल्यानं पाय धूळ आणि मातीच्या संपर्कात येण्यापासून वाचू शकतात.
- हायड्रेटेड रहा :त्वचा हायड्रेट ठेवण्यासाठी भरपूर पाणी प्या. हे तुमच्या त्वचेला कोरडेपणापासून वाचवण्याचं काम करतं. त्यामुळं तुमची त्वचा चमकदार राहण्यास मदत होते. हायड्रेटेड राहण्यासाठी भरपूर पाणी प्या. पुरेसं पाणी न पिल्यानं त्वचेशी संबंधित इतर अनेक समस्यांना सामोरं जावं लागतं.