Malaria vaccines : मलेरियासाठी एम-आरएनए लसी केल्या विकसित

जॉर्ज वॉशिंग्टन युनिव्हर्सिटीच्या शास्त्रज्ञांनी अलीकडेच दोन एम-आरएनए लसी विकसित केल्या आहेत, ज्यात प्राणघातक मलेरियाविरूद्धच्या लढाईत औषध म्हणून वापरण्याची क्षमता आहे. (Development of m-RNA malaria vaccines)

वॉशिंग्टन :जॉर्ज वॉशिंग्टन युनिव्हर्सिटीच्या शास्त्रज्ञांनी अलीकडेच दोन एम-आरएनए (m RNA vaccines) लसी विकसित केल्या आहेत, ज्यात प्राणघातक मलेरियाविरूद्धच्या लढाईत औषध म्हणून वापरण्याची क्षमता आहे. त्यांनी उघड केले की, ते संसर्ग आणि प्रसार रोखू शकतात. ते मलेरिया परजीवीचे जीवनचक्र विस्कळीत करून कार्य करतात. मानवी शरीरात परजीवी हलविण्यास मदत करणार्‍या प्रथिनाला लक्ष्य करण्यासाठी लस म्हटले जाते. दुसरी लस त्यांच्या पुनरुत्पादन प्रक्रियेत व्यत्यय आणून त्याचे कार्य करेल, असे त्यांनी स्पष्ट केले. मलेरियासोबतच अनेक आजारांनीही डोके वर काढले आहे. (Development of m-RNA malaria vaccines)

डेंग्यू, मलेरियाची अशी घ्या काळजी :डेंग्यू, मलेरिया आदी आजार हे मच्छर आणि डासांमुळे होतात. यासाठी रात्री झोपताना मच्छरदाणी वापरावी. मलेरिया डेंग्यूच्या डासांची उत्पत्ती स्थाने निर्माण होणार नाहीत याची नागरिकांनी काळजी घ्यावी. ताप, उलटी, जुलाब होत असल्यास पालिकेच्या हेल्थ पोस्ट, दवाखाने व रुग्णालये येथे मोफत तपासणी केली जाते. या ठिकाणी जाऊन नागरिकांनी उपचार करून घ्यावेत. डॉक्टरांच्या सल्ल्याने औषधे घ्यावी, आजारांकडे दुर्लक्ष केल्यास जीवावर बेतू शकते यामुळे त्याकडे दुर्लक्ष करू नये असे आवाहन पालिकेच्या आरोग्य विभागाने केले आहे.

संसर्गजन्य आजार : मलेरिया (maleria) म्हणजेच हिवताप हा एक संसर्गजन्य आजार आहे. मलेरिया आजार हा एनोफिलिस (Anopheles) जातीचा बाधित डास चावल्यामुळे होतो. डासांद्वारे संक्रमित होणाऱ्या आजारांपैकी मलेरिया सर्वात धोकादायक मानला जातो. बाधित डास जेव्हा चावतो तेव्हा ‘प्लाजमोडियम परजीवी’ हे त्या व्यक्तीच्या शरीरात प्रवेश करतात. नंतर परजीवी रक्तामधून त्या व्यक्तीच्या यकृतात प्रवेश करतात. परजीवी रक्तात मिसळून त्या व्यक्तीच्या रक्तातील लाल रक्तपेशींना बाधित करतात.

लक्षणे :मळमळ व उलट्या, ‎थांबून-थांबून अधिक ताप येणे, थंडी वाजून ताप येणे, ‎डोकेदुखी, ‎अंगदुखी, शरीरात वेदना होणे, पोटदुखी, जुलाब व अतिसार होणे, नाडीची गती जलद होणे, सांध्यांमध्ये वेदना होणे. (Symptoms of malaria)