यवतमाळध्ये कर्जबजारी तरूण शेतकऱ्याची आत्महत्या

राळेगाव तालुक्यातील चहांद येथील तरूण शेतकऱ्याने  कीटकनाशक पिऊन आत्महत्या केली. अमोल जवादे (32) असे मृत शेतकऱ्याचे नाव आहे. त्यांच्यावर जिल्हा मध्यवर्ती सहकारी बँक सोसायटी आणि खासगी बँकेचे कर्ज होते.

यवतमाळ - राळेगाव तालुक्यातील चहांद येथील तरूण शेतकऱ्याने कीटकनाशक पिऊन आत्महत्या केली. अमोल जवादे (32) असे मृत शेतकऱ्याचे नाव आहे. अमोल यांना वडनेर रुग्णालयात उपचारासाठी नेत असताना त्यांचा मृत्यू झाला.

कर्जबाजारी तरूण शेतकऱ्याची आत्महत्या; यवतमाळ जिल्ह्यातील घटना

अमोल जवादे यांच्या नावावर ४ एकर शेती आहे. त्यांच्यावर जिल्हा मध्यवर्ती सहकारी बँक सोसायटी आणि खासगी बँकेचे कर्ज होते. वडकी परिसरामध्ये सर्वच शेतांमध्ये दुबार पेरणी झाली आहे. त्यात अमोलनेही शेतात दुबार पेरणी केली होती. दुबार पेरणी होऊनही उत्पादनाची शाश्वती नसल्यामुळे कर्ज फेडायचे कसे? या विचारातून अमोलने आत्महत्या केल्याचा अंदाज व्यक्त केला जात आहे. अमोलच्या मागे पत्नी, चार वर्षाचा मुलगा आहे.