यवतमाळ - महागांव शहरातील प्रभाग एकमध्ये इंडिया वन या कंपनीचे एटीएम मागील सहा महिन्यांपूर्वी सुरू करण्यात आले होते. रात्री पावसाचा फायदा घेत तोडफोड न करता सहजरित्या पूर्ण एटीएम मशीनच चोरट्याने लांबवल्याची घटना सकाळी (दि. 11 जून) उघडकीस आली आहे.
घटनास्थळी श्वान पथकास पाचारण
या चोरीसाठी चाव्यांचा वापरही करण्यात आल्याचे आढळून आले आहे. दिनांक 8 जून रोजी या एटीएममध्ये पाच लाख टाकल्याचे बोलले जात असून नेमके किती रुपयाची चोरी झाली हे उघड झाले नाही. या चोरीमध्ये किमान चार ते पाच चोरटे असण्याची शक्यता आहे. घटनास्थळी महागांव पोलीस ठाण्याचे अधिकारी व कर्मचाऱ्यांनी पोहोचून पंचनामा केला. यावेळी श्वानपथकासही पाचारण केले होते.