यवतमाळ- राज्यात सध्या भाजपमध्ये विरोधी पक्षातील नेत्यांची मेगाभरती सुरू आहे. कॉंग्रेस व राष्ट्रवादीचे प्रमुख नेते, आमदार भाजपमध्ये पक्षप्रवेश करत आहेत. महाराष्ट्रामध्ये सत्ताधारी भाजपकडून इतर पक्षाच्या उमेदवारांना, राजकीय नेत्यांना भ्रष्टाचाराच्या प्रकरणांची भिती दाखवली जात आहे. भाजपमध्ये या नाहीतर जेलमध्ये पाठवू, असा प्रकार सुरू आहे. याच कारणाने अनेक काँग्रेस व राष्ट्रवादी काँग्रेसचे उमेदवार, राजकीय नेते भाजपमध्ये दाखल होत असल्याचा आरोप विधानपरिषदेचे माजी उपसभापती माणिकराव ठाकरे यांनी केला. ते यवतमाळमध्ये काँग्रेस पक्षाच्या उमेदवारांच्या मुलाखतीसाठी आले असता ई-टीव्हीशी बोलत होते.
माणिकराव ठाकरे, माजी उपसभापती विधानपरिषद