यवतमाळ - दिग्रस तालुक्यातील आरंभी येथील माय-लेकी शेतामध्ये निंदन्यासाठी गेल्या होत्या. यावेळी जोराचा पाऊस झाल्याने घरी परतताना मायलेकी पुराच्या पाण्यात वाहून गेल्याची घटना घडली आहे. आरंभी-चिरकूटा मार्गावरील नाल्यातील पाण्यात वाढ झाली होती. या पूलावरून जाताना अचानक पाण्याचा वेग वाढल्याने दोघी वाहून गेल्या आहेत.
कविता किशोर राठोड (वय -35) व मुलगी निमा किशोर राठोड (वय -15) असे पुरात वाहून गेलेल्या माय-लेकीचे नाव आहे. या घटनेची माहिती आरंभीच्या ग्रामस्थांना मिळताच त्यांनी दोघींची शोध घेण्यास सुरुवात केली.