यवतमाळ- जिल्ह्यातील खाजगी कोविड रुग्णालयात कोरोनाबाधितांची आर्थिक लूट सुरू असल्याचा धक्कादायक प्रकार समोर आला आहे. एखाद्या कोरोनाबाधित रुग्णाला खासगी रुग्णालयात भरती करताना अडीच ते तीन लाख रुपये जमा करावे लागतात. यानंतरही रुग्णालयातून सुटी देताना त्यांना पक्के बीले दिले जात नाही. यातही अव्वाच्या सव्वा बिले रुग्णांच्या नातेवाईकांच्या हाती दिले जात असल्याचा प्रकार घडत आहे. ही आर्थिक लूट थांबावी आणि संबंधित रुग्णालयांवर दंडात्मक कारवाई करण्याची मागणी व्ही जर्नालिझम असोसिएशन आणि श्रमिक पत्रकार संघटनेने केली आहे. याबाबत जिल्हाधिकारी अमोल येगडे यांना निवेदनही देण्यात आले आहे.
खासगी 'कोविड' रुग्णालयात कोरोनाबाधितांची आर्थिक लूट