यवतमाळ -मोदी सरकारने नुकताच 7 वर्षांचा कार्यकाळ पूर्ण केला आहे. मात्र या सात वर्षांच्या कार्यकाळात मोदी सरकार प्रत्येक आघाडीवर अपयशी ठरल्याचा आरोप करत, राज्यभरात काँग्रेसच्या वतीने आंदोलन करण्यात येत आहे. यवतमाळमध्ये जिल्हा काँग्रेस कमिटीच्या वतीने एलआयसी चौकात आज आंदोलन करण्यात आले. यावेळी केंद्र सरकारच्या विरोधात कार्यकर्त्यांनी जोरदार घोषणाबाजी केली.
भाजपाच्या या सात वर्षांच्या कार्यकाळात देशाची अर्थव्यवस्था ढासळली, कोरोना रोखण्यात सरकारला अपयश आले, कोरोना लसीकरणाचे नियोजन करता आले नाही, महागाई वाढत आहे, पेट्रोल-डिझेलचे भाव गगनाला भिडले असून, सामान्य माणूस हवालदील झाला आहे. अशी टीका यावेळी काँग्रेसच्या वतीने करण्यात आली आहे.
मोदी सरकारविरोधात काँग्रेसचे आंदोलन