यवतमाळ - कोरोना काळात कोरोना योद्ध्यांनी जीवाची पर्वा न करता अहोरात्र काम केले. मात्र जिल्हा रुग्णालयांमध्ये 160 कंत्राटी कर्मचाऱ्यांना दोन महिन्यांपासून वेतन दिले नाही. आता या कर्मचाऱ्यांना जिल्हा रुग्णालयाच्या अधिष्ठातांनी कामावरून तडकाफडकी कमी केले आहे. या अन्यायाविरोधात कर्मचाऱ्यांनी मनसेच्या नेतृत्वात जिल्हाधिकारी एम. देवेंदर सिंह यांच्याकडे दाद मागितली.
160 कंत्राटी कर्मचाऱ्यांना दोन महिन्यांपासून वेतन नाही
जिल्हा रुग्णालयांमध्ये जे वैद्यकीय अधिकारी, कर्मचारी आहेत. त्यांना पूर्ण वेतन दिले जाते. मात्र, ते कुठलेही काम करत नसल्याचा आरोप यावेळी कंत्राटी कर्मचाऱ्यांनी केला आहे. आम्ही दिवस-रात्र सेवा दिली. मात्र, आम्हाला कामावरून कमी केले. त्यामुळे या कोरोनाच्या काळामध्ये आम्हाला कामावर घेण्यात यावे, अशी मागणी जिल्हाधिकाऱ्यांकडे करण्यात आली.