वाशिम जिल्हा परिषद निवडणूक : उमेदवारांची अर्ज भरण्यासाठी गर्दी

राज्यातील पाच जिल्हा परिषदांच्या निवडणुका घोषित झालेल्या आहेत. त्यानुसार मंगळवारी अर्ज भरण्याची अंतिम तारीख होती. निवडणुकांसाठी मतदान 7 जानेवारीला होणार आहे. तर 8 जानेवारीला मतमोजणी होणार आहे.

वाशिम- राज्य निवडणूक आयोगाने पाच जिल्हा परिषदांच्या निवडणुका घोषित केल्या आहेत. वाशिम जिल्हा परिषदेच्या 52 जागांसाठी आणि त्याअंतर्गत असलेल्या 6 पंचायत समितींच्या 104 जागांसाठी 7 जानेवारीला मतदान होणार आहे. सोमवारी अर्ज भरण्याचा शेवटचा दिवस होता. त्यामुळे जिल्ह्यातील सर्वच तहसील कार्यालयांमध्ये उमेदवारांची व कार्यकर्त्यांची एकच गर्दी बघायला मिळाली. मंगळवारी अर्जाची छाननी होणार असून 25 तारखेला चिन्ह वाटप होणार आहेत. चिन्ह वाटप झाल्यानंतर निवडणुकीचे चित्र स्पष्ट होणार आहे. 8 जानेवारीला मतमोजणी होणार आहे.