वाशिम - कोरोना विषाणूचा संसर्ग टाळण्यासाठी संपूर्ण देशभर संचारबंदी लागू करण्यात आली. त्यामुळे संपूर्ण कुटुंब घरात बसले आहे. मात्र, कारंजा येथील हिंदू मुस्लिम महिलांनी घरी न बसता संचारबंदीचे काटेकोर पालन करून मानवतेच्या दृष्टीने झटत आहेत. शहरातील गरजू नागरिकांच्या भावनांचा आदर करीत 'ध्यास' या संस्थेच्या माध्यमातून मोफत भोजन व्यवस्था करून दिली आहे. शिवाय संकटकाळात आज हिंदू-मुस्लिम या सामाजिक एक्याचे सुद्धा दर्शन त्यांनी घडविले.
मानवतेसाठी गळल्या जाती धर्माच्या भिंती.. ध्यास संस्थेकडून गरजूंना दोन वेळचे जेवण आपला संपूर्ण देश कोरोना संकटाशी लढत आहे. संसर्ग रोखण्यासाठी संचारबंदी लागू केली आहे. नागरिकांनी घरात बसून राहणे देखील देश सेवाच आहे. मात्र, या काळात कोणी उपाशी राहू नये ही मानवता आहे. शहरातील महिलांनी सेवाभावी संस्था म्हणून कार्यरत असलेल्या 'ध्यास' (एक न संपणारा प्रवास) या बहुउद्देशीय संस्थेच्या माध्यमातून खांद्याला-खांदा लावून कार्यरत आहे.शहरातील गरजूंना मदतीचा हात देत आहे. महिला स्वयंसेविका गरजूंना दिवसातून 500 पॅकेट (प्रति व्यक्ति एक पॅकेट) देत आहे. कोरोना बद्दलचे सरकारने लावलेल्या नियमांचे पूर्ण पालन करत आहेत. सिटी आपन देखील समाजाचा घटक आहोत. या सामाजिक उत्तरदायित्वाच्या भावनेतून हे कार्य सुरु आहे. हा महिला वर्ग आपली घरची काम आटोपून कुठलाही मोबदला ना घेता आजमितिला रोज स्वयंपाक करून 2 वेळचे 500 पॅकेट सामाजिक कार्यकर्त्यांच्या हातून गरजू व्यक्तींना त्यांच्या घरापर्यंत पोहचविन्याचे उल्लेखनीय कार्य करत आहे. ध्यास संस्थेच्या अध्यक्ष पूनम बंग, रोशनी रेवाळे, शबाना अजीम शाह, मेघा पेटकर, शैलजा पेटकर, तृप्ती सावजी, नलिनी विभूते, मीरा पानझाडे आदि महिलासह आशीष गावंडे, संजय चौधरी आदि मंडली सेवा देत आहे.
