ऐन पेरणीच्या काळात सोयाबीन बियाण्यासह डीएपी खतांचा तुटवडा; शेतकऱ्यांची धावपळ

वाशिम जिल्हा सोयाबीनचा बेल्ट म्हणून ओळखल्या जातो. जिल्ह्यात एकूण पेरणी योग्य क्षेत्र चार लाख असून, त्यापैकी जवळपास तीन लाख हेक्टरवर सोयाबीनची पेरणी केली जाते. त्यात सर्वाधिक 335 आणि 9305 या वाणाची पेरणी केली जाते. त्यामुळे या वाणाची मागणी जास्त असल्याने टंचाई निर्माण झाली आहे.

वाशिम - जिल्ह्यात समाधानकारक पाऊस झाला आहे. शेतकऱ्यांनी पेरणीला सुरुवात केली आहे, मात्र सोयाबीन बियाणे आणि डीएपी खतांची टंचाई निर्माण झाली आहे. त्यामुळे शेतकऱ्यांची खते, बियाणे खरेदीसाठी शेतकऱ्यांची धावपळ सुरू झाली आहे. कृषी विभागाने याकडे लक्ष देऊन टंचाई दूर करून बियाणे उपलब्ध करून द्यावे अशी मागणी शेतकऱ्यांकडून करण्यात येत आहे.

बियाणे मिळत नसल्याने शेतकरी हतबल -

वाशिम जिल्हा सोयाबीनचा बेल्ट म्हणून ओळखल्या जातो. जिल्ह्यात एकूण पेरणी योग्य क्षेत्र चार लाख असून, त्यापैकी जवळपास तीन लाख हेक्टरवर सोयाबीनची पेरणी केली जाते. त्यात सर्वाधिक 335 आणि 9305 या वाणाची पेरणी केली जाते. त्यामुळे या वाणाची मागणी जास्त असल्याने टंचाई निर्माण झाली आहे. परिणामी शेतकऱ्यांना बियाणे मिळत नसल्याने शेतकरी हतबल झाला आहे.

बियाण्या अभावी पेरणी लांबण्याची शक्यता -

जिल्ह्यात 335 आणि 9305 या सोयाबीनबरोबरच डीएपी खताची पेरणी केल्या जाते. मात्र ऐन खरीप हंगामात डीएपी खत आणि सोयाबीन मिळत नसल्याने शेतकऱ्यांना वणवण भटकंती करावी लागत आहे. जिल्ह्यात बहुतांश जमीन कोरडवाहू असल्याने खरिपात सर्वाधिक क्षेत्रावर सोयाबीनची पेरणी केली जाते. मात्र यंदा ऐन हंगामात सोयाबीन बियाणे आणि डीएपी खत मिळत नसल्याने शेतकऱ्यांसमोर नवीनच संकट उभे राहिले आहे. वेळेत बियाणे मिळाले नाही तर शेती पेरणी होते का नाही असा प्रश्न शेतकऱ्यांसमोर पडला आहे.