वाशिम; महावितरण विभागाची धडक कारवाई; वीज चोरी करणाऱ्या १६९ ग्राहकांचा वीजपुरवठा खंडीत

वीजचोरीला आळा घालण्यासाठी राबविण्यात येत असलेल्या मोहिमेंतर्गत महावितरणचे कनिष्ठ अभियंता आणि त्यांच्या सहकाऱ्यांनी जिल्हाभरातील ५९३ वीजजोडण्यांची तपासणी करण्यात आली. त्यात २१० ठिकाणी वीजचोरीचा प्रकार होत असल्याचे आढळून आले.

वाशिम -जिल्ह्यात विविध प्रकारे वीजचोरी करून महावितरणला कोट्यवधींचा चुना लावल्याचा घटना उघडकीस आल्या आहेत. या वीज चोरट्यांविरोधात महावितरण विभागाने धडक कारवाई मोहीम हाती घेतली आहे. याअंतर्गत जिल्ह्यात आठवडाभरातच दहा लाखांची वीजचोरी पकडण्यात आली असून, संबंधितांना लाखो रुपयांचा दंडही आकारण्यात आला आहे.

वीजचोरीला आळा घालण्यासाठी राबविण्यात येत असलेल्या मोहिमेंतर्गत महावितरणचे कनिष्ठ अभियंता आणि त्यांच्या सहकाऱ्यांनी जिल्हाभरातील ५९३ वीजजोडण्यांची तपासणी करण्यात आली. त्यात २१० ठिकाणी वीजचोरीचा प्रकार होत असल्याचे आढळून आले. त्यापैकी १६९ ग्राहकांची वीजजोडणी महावितरणच्या पथकाने खंडीत केली आहे.