दारू विकण्याचा नवीन फंडा; चक्क दूध डेअरीमध्येच देशी दारूची विक्री!

दूध डेअरीमध्ये सहसा दुग्धजन्य पदार्थांची विक्री होत असते. मात्र वाशिम जिल्ह्यातील जऊळका रेल्वे येथील कबीर दूध डेअरी नावाच्या डेअरीमध्ये चक्क देशी दारूची विक्री सुरू होती.

वाशिम - दूध डेअरीमध्ये सहसा दुग्धजन्य पदार्थांची विक्री होत असते. मात्र, वाशिम जिल्ह्यातील जाऊळका रेल्वे येथील एका दूध डेअरीमध्ये चक्क देशी दारूची विक्री सुरू होती.

कबीर दूध डेअरी नावाच्या डेअरीवर दुधाच्या नावाखाली अवैधरित्या दारू विकली जात असल्याची माहिती जाऊळका पोलिसांना मिळाली. त्यानंतर लगेचच ठाणेदार कपिल मस्के यांनी पोलीस कर्मचाऱ्यांसह दूध डेअरीवर छापा टाकून देशी दारूच्या काही बाटल्या आणि अवैधरित्या विकली जाणारी दारू जप्त केली.