वाशिम- पूजा चव्हाण आत्महत्या प्रकरणात संजय राठोड यांचा राजीनामा घेणे म्हणजे बंजारा समाजावर अन्याय आहे. पूजाच्या आत्महत्या प्रकरणात पोलिसांची चौकशी सध्या सुरू आहे. मात्र, चौकशी पूर्ण होण्यापूर्वीच राजीनामा घेणे हे चुकीचे असल्याची प्रतिक्रिया पोहरादेवी येथील धर्मपीठाचे महंत जितेंद्र महाराज यांनी दिली आहे.
राठोडांचा राजीनामा घेणे अन्यायकारकच - महंत जितेंद्र महाराज
जितेंद्र महाराज म्हणाले की, बंजारा समाजाचे धर्मपीठ संजय राठोड यांच्या पाठीशी असून, कोरोना संपल्यावर आम्ही मोठी बैठक घेणार आहोत. त्या बैठकीत या प्रकरणी बंजारा समाजाच्या वतीने समाजाची पुढची भूमिका काय असणार हे ठरवणार आहोत. शिवाय संजय राठोड पोहरादेवी येथे येणार का नाही, यासंदर्भात नक्की माहिती नसल्याचेही यावेळी बोलताना जितेंद्र महाराज यांनी सांगितले.