वाशिम - कारंजा बस स्थानकात आज सकाळीएक वृद्ध महिला मृतावस्थेत आढळली. अन्न न मिळाल्याने या वृद्धेचा मृत्यू झाल्याचा प्राथमिक अंदाज वर्तवण्यात येत आहे. संबंधित महिलेला मृतावस्थेत बघून कोरोनाच्या भीतीने अनेकांनी याकडे काणाडोळा केला. याच वेळी कारंज्यातील श्याम सवाई यांनी घटनास्थळी जाऊन वृद्धेच्या नातेवाईकांचा शोध सुरू केलाय.
कारंजा बसस्थानकावर बेवारस महिलेचा मृतदेह
मृताचे नाव कमला मोडक असून ती बेल मंडळ येथील मूळनिवासी आहे. मागील काही दिवसांपासून ती बसस्थानक परिसरात वास्तव्यास असल्याचे समजते. वृद्धेचा मृत्यू अन्न न मिळाल्याने झाल्याची शक्यता वर्तवण्यात येत असून अद्याप कारण अस्पष्ट आहे. मात्र बेवारस मृतदेह सापडल्याने बसस्थानक परिसरात बघ्यांची गर्दी जमली होती. बराच वेळ हा मृतदेह जागीच पडून होता. पोलिसांना याबाबत माहिती देण्यात आली असून अधिक तपास सुरू आहे.
