आधी लग्न लोकशाहीचे..! बोहल्यावर चढण्याआधी शिरपुरात नववधूने बजाविला मतदानाचा हक्क

अकोला लोकसभा मतदारसंघातील शिरपूर येथील एका नववधुचे आज लग्न आहे. मात्र, आज लोकशाहीचे मतदान असल्याने त्यांनी आधी मतदान केंद्रावर जाऊन आपला मतदानाचा हक्क बजावला आहे.

वाशिम -आज देशभरात लोकसभा निवडणुकीच्या दुसऱ्या टप्प्यासाठी सकाळपासूनच मतदानाला सुरुवात झाली आहे. पार पडत आहे. अकोला लोकसभा मतदारसंघातील शिरपूर येथील एका नववधुचे आज लग्न आहे. मात्र, आज लोकशाहीचे मतदान असल्याने त्यांनी आधी मतदान केंद्रावर जाऊन आपला मतदानाचा हक्क बजावला आहे. रश्मी देशमुख असे या नववधुचे नाव आहे.

शिरपूर येथील कोंडबा तात्या ढवळे विद्यालयात रश्मी यांनी आपला मतदानाचा हक्क बजावला. देशाला सक्षम करण्यासाठी प्रत्येकाने आपले अमूल्य मतदान करावे, असे आवाहनही त्यांनी यावेळी केले आहे.