वाशिम -मंगरुळपीर-कारंजा महामार्गावरील मंगळसा फाट्यानजीक टेम्पो आणि ऑटोरिक्षामध्ये शुक्रवारी सकाळी अपघात झाला. या अपघातात 2 जण ठार तर 3 जण गंभीर जखमी झाल्याची माहिती आहे.
हिंगोलीवरून कारंजाला जाणाऱ्या रिक्षाला समोर येणाऱ्या टेम्पोची धडक बसून हा अपघात घडला. या अपघातात दोघांचा जागीच मृत्यू झाला असून ३ जण गंभीर जखमी झाले आहेत. मृतक हे हिंगोली जिल्ह्यातील एकाच कुटुंबातील असल्याचे समजते. तर इतर गंभीर जखमींना अकोला येथे उपचारार्थ पाठविण्यात आले आहे.