वर्धा- पवनार येथील धाम नदी परिसरात फिरायला गेलेल्या युवकाचा पाय घसरून पडल्याने नदीत बुडून मृत्यू झाला. ही घटना बुधवारी दुपारच्या सुमारास घडली. राहुल खोडके (वय ३३ रा. बोरगाव (मेघे)) असे मृत युवकाचे नाव आहे.
वर्धा येथील पवनारच्या नदीपात्रात बुडून युवकाचा मृत्यू
राहुल हा शहरातील फुटवेअरच्या दुकानामध्ये काम करत होता. तो दुकानातील आशिष भाजीपाले आणि अन्य दोघांसोबत पवनार येथे फिरायला गेला होता. राहुल हा नदीपात्राच्या काठावर उभा होता तर अन्य मित्र त्याचे फोटो काढत होते. दरम्यान, राहुलचा पाय घसरला आणि तो गांधी-विनोबा यांच्यासमाधी स्थळाजवळ असलेल्या गायमुख डोहात पडला. त्या ठिकाणी धबधबा असून तो खड्ड्यात जाऊन अडकला.