वर्धा- जिल्ह्याच्या आष्टी तालुक्यातील साहुर येथे तरुणाचा मृतदेह आढळला आहे. हा मृतदेह त्याचाच शेतात छिन्न-विच्छिन्न अवस्थेत बुधवारी आढळून आला. मृत तरुणाचा 8 जानेवारीला विवाह होता. तर तो 6 जानेवारीपासून बेपत्ता होता. कुटुंबियांकडून घातपाताचा संशय व्यक्त केला जात आहे. विष्णू लाड असे मृत तरुणाचे नाव आहे.
वर्ध्यात तरुणाचा मृतदेह आढळल्याने खळबळ
विष्णु हा रोज सकाळी अरविंद योग साधना शक्ती पीठ, अरविंद आश्रम, हातूरणा येथे योग साधनेसाठी जात होता. 6 जानेवारीला तो शेतात जातो, असे सांगून बेपत्ता झाला. घरी परत न आल्याने शोध सुरू झाला. शेतात जाऊन पाहणी केली असता, त्याची दुचाकी मिळाली. मात्र, तो सापडला नाही. आश्रमात सुद्धा तो सापडला नाही