वर्धा - जिल्ह्यात रानडुक्कर पिकांसोबतच शेतकऱ्यांच्या जिवावर उठले आहेत. आज देवळी तालुक्यातील दापोरी येथील एका शेतकऱ्याचा सेवाग्राम येथे उपचारादरम्यान मृत्यू झाला, हिंगणघाट आणि आष्टी तालुक्यात २ घटनांमध्ये शेतकरी जखमी झाले असून त्यांच्यावर उपचार सुरू आहेत.
देवळी तालुक्यातील दापोरी शेत शिवारात वासुदेव ठाकरे (वय ६५ ) हे सकाळी शेतात जात होते. त्यांच्यवर रानडुकराने अचानक हल्ला केला. त्यामध्ये ते गंभीररित्या जखमी झाले होते. उपचारासाठी त्यांना सेवाग्राम रुग्णालयात दाखल केले असता दुपारी २ वाजण्याच्या सुमारास त्यांचा मृत्यू झाला. त्यांच्यामागे पत्नी, मुलगा आणि सून, असा मोठा परिवार आहे.