वर्धा - हिंगणघाट तालुक्यातील अल्लीपूर येथे दोन वृक्षप्रेमी युवकांनी गावात आगळ्या-वेगळ्या उपक्रमाला सुरुवात केली आहे. विवाहस्थळी गावातून निघताना नवरदेवाने वृक्ष लागवड करण्याची नवी पद्धत सुरुवात करण्यात आली आहे. नवरदेव स्वतःच्या हाताने वृक्षारोपण करतो. यातून वृक्षसंगोपनाचा संदेश देतो.
वृक्षारोपणाच्या प्रथेचे गावातून कौतुक होत आहे
अल्लीपूर येथील निलेश धोंगळे आणि आकाश पडोळे हे तरुण गावात वृक्ष लागवड आणि संवर्धनाचा संदेश देत आहेत. मागील काही दिवसंपासून त्यांनी नवनवे उपक्रम राबवले आहेत. यातील एक म्हणजे वृक्ष लागवडीचा संदेश. नव्या नवरदेवाने लग्नाला जाण्याआधी वृक्षलागवड करावी, अशी कल्पना त्यांनी मांडली. या कल्पनेचे गावातून स्वागत होत आहे.