वर्धा- अर्थव्यवस्था चालविण्यासाठी गरिबांच्या हातात पैसे द्यावे लागतील. मजूर, युवकांच्या हातात पैसे असल्याशिवाय अर्थव्यवस्था चालू शकत नाही, रोजगार निर्माण होऊ शकत नाही, रोज शेतकरी आत्महत्या करत आहे. भाजपचे टीशर्ट घातलेल्या भाजपच्या कार्यकर्त्याने आत्महत्या केली असल्याचा आरोप राहुल गांधी यांनी जाहीर सभेत केला.
बोलताना राहुल गांधी
ते वर्ध्यातील जिल्हा परिषदेचा कन्या शाळेच्या मैदानावर आयोजित जाहीर सभेत बोलत होते. यावेळी त्यांनी पंतप्रधान नरेंद्र मोदी यांच्यावर टीका केली.
नरेंद्र मोदी मतदारांचे लक्ष विचलीत करतात. कधी देशाच्या बाहेर, कधी 370 वर, कधी चीनच्या राष्ट्रपतीकडे, कधी काश्मीरकडे नेतात. पण, ज्या तुमच्यापुढे समस्या आहेत. त्यावर कधीच बोलत नाहीत. बेरोजगारीवर बोलत नाही. शेतकरी आत्महत्येवर कधी बोलत नाही.
हेही वाचा - 'विदर्भ एक्स्प्रेस'समोर उडी घेऊन तरुणीची आत्महत्या