वर्धा - पूज्य बापू (महात्मा गांधी) आणि आणि बाबा (विनोबा भावे) यांच्या प्रति असलेले प्रेम प्रसिद्धीसाठी नाही तर आपुलकीचे आहे. गांधी आणि विनोबा सत्य असून ते सर्वांचे आहेत, अशी भावना राम कथाकार मुरारी बापू यांनी व्यक्त केली. वर्ध्यातील पवनार येथील कार्यक्रमात ते बोलत होते.
बापू आणि बाबावर असलेले प्रेम प्रसिद्धीसाठी नाही तर आपुलकीचे
विनोबांच्या पुण्यतिथी निमित्त आयोजित मैत्री मिलन सोहळ्यात मुरारी बापू यांनी मार्गदर्शन केले. विनोबा आणि महात्मा गांधींनी आयुष्य जगताना तीन महत्त्वाचे धडे दिले आहेत. त्यांनी लोकांसाठी आयुष्यभर पदयात्रा केली. भूदान चळवळ घेऊन ते माझ्या गावापर्यंत पोहचले होते. महात्मा गांधींना आपण साबरमतीचे संत म्हणतो त्याचप्रमाणे मला विनोबा देखील वामन फकीर वाटतात, असे विचार मुरारी बापूंनी मांडले.