वर्धा -आर्वी येथील मोबाईल चोराने चोरीचा मुद्देमाल ठेवण्यासाठी न्यायाधीशांच्या घराची निवड केल्याचे समोर आले आहे. आर्वी शहरातील मुख्य मार्गावर न्यायाधीशांची जुनी निवासस्थाने आहेत. त्याठिकाणी एका अल्पवयीन चोराने चोरीचा माल लपवून ठेवला होता. आर्वी पोलिसांनी या अल्पवयीन आरोपीला ताब्यात घेतले आहे.
आर्वीमध्ये एका चोराने न्यायाधिशांच्या बंगल्यात चोरीचा मुद्देमाल लपवला
आर्वी शहरातील शिवाजी चौकात विशाल देशमुख यांच्या मालकीचे 'सिद्धेश मोबाईल शॉपी' हे दुकान आहे. शनिवारी मध्यरात्री चोरट्याने दुकानाचे पीओपी सिलिंग तोडून आत प्रवेश केला आणि 20 मोबाईल चोरून नेले. पोलिसांनी तपास करत संजयनगर परिसरातील एका अल्पवयीन मुलाला ताब्यात घेतले. त्याची चौकशी केली असता त्याने गुन्हा कबुल केला.